文詠珊 吳尊賭城客串
導演王晶投資開拍的兩集賀歲片《賭城風雲》叫好叫座，近日秘密開鏡的《賭城風雲3》投資額加碼至2.5億人民幣，演員陣容甚有睇頭，王晶碌盡人情卡請來「星級串星」包括吳尊、文詠珊、元秋等。電影先後飛往泰國、新加坡、澳門等地取景，預算8月將假「福地」無綫將軍澳電視城舉行大型記者會。
主演方面，周潤發及張家輝當「鐵膽」，王晶同時也找來張學友及李宇春加入「戰團」，他接受電話訪問表示﹕「學友扮演軍火商，同劉嘉玲有刻骨銘心嘅愛情線。李宇春嘅女漢子形象畀我好深刻印象，今次佢佔戲唔少，做賭神師妹，一舉一動都要模仿賭神。」
