薛凱琪白晳清純

• 趙薇 紅色喜洋洋
  「條裙同手袋都係紅色，好中國色彩，感覺喜氣洋洋，不過紅色就黐晒地，其實最近覺得佢着衫幾好睇，不過今次有啲敗筆，顯得有啲肥胖。」

• 泳兒唔啱style
  「好仙女、斯文淑女感，但同佢髮型完全唔夾，佢係行潮人路線，髮型會影響人嘅外貌。泳兒呢啲前衞街頭style突然着咗仙女裙，變咗衫還衫，人還人，做唔到人衫合一。」

• 溫碧霞欠缺氣勢
  「似伴娘裙，雖然低胸好性感，但似出席飲宴，欠缺氣勢。女人到唔同階段應有唔同嘅形象，而佢個年齡需要氣勢，太性感其實唔適合。」

• 衛詩雅宜戴珠寶
  「都OK，條裙設計款式幾好，但造型欠咗珠寶首飾，晚裝點解較為少布，就係預留空位方便配搭珠寶，佢勝在年輕貌美，否則顯得好寒酸。」

• 莫文蔚選錯配飾
  「有啲失敗，向來佢都有taste同style，呢條寶藍色晚裝裙設計幾靚，前面有百褶設計，腰間都有釘珠裝飾，其實無需要再加頸鏈，反而應該戴長耳環或手鐲會較合襯。」

• 王麗儀