32D何沛沂追趕范冰冰
32D「電眼范冰冰」何沛沂（AnJ）雖然擁有冷艷外表，但內裏卻熱情如火！視范冰冰為目標的她，對自己的身材和樣貌大有自信，但因對自己要求太高而要靠旅行減壓，但她笑言只會躲在酒店歎泡泡浴，令人想入非非！
有「電眼范冰冰」之稱、擁有32D身材的新進女藝人何沛沂（AnJ），向男fans同時送上冷艷和熱情，誓令他們又冷又熱發高燒！談到偶像范冰冰，AnJ坦言正在追看熱播的《武則天》，更大讚對方拿捏角色準繩：「佢演活咗一代女帝的霸氣和嬌柔，演得非常之好！」她更希望自己有天可以有一套自己的代表作，迷倒天下宅男！雖然形象性感，但她就自爆性格有如傻大姐：「同我熟咗就會嚇親，覺得我好搞笑！」AnJ在14歲時身高更已過1米70，但她卻未想過會入行：「以前有好多人問點解我咁高唔去做model，但係我嗰時冇諗過，直至到呢一刻有機會踏入呢行，就好希望得到觀眾認同。」
即使擁有標準model身形，視范冰冰為目標的AnJ就不停裝備自己，打算循序漸進：「佢入行到依家付出好多，唔係得個外表！」AnJ剛入行做模特兒，深明模界競爭大，加上她對自己要求甚高，為了減輕壓力，她最喜愛去旅行散心：「最近去咗泰國，泰國食嘢真係好抵，我唔係去陽光與海灘嗰隻，我係日頭唔出街留喺酒店，先歎吓泡泡浴，到4、5點先出去行街。」
到夜場玩自我灌醉
至於會否摸住酒杯底傾偈，AnJ就直言自己非飲得之人：「夜場好少接觸，可能係有朋友生日開Party先會去慶祝吓。（有冇畀人灌醉？）唔係人哋灌醉我，係我自己灌醉咗自己！」更試過醉後跌錢，所以諗起就怕怕。
Profile
姓名：何沛沂（Angelica）
身高：1米74
體重：46kg
三圍：32D、24、33
文：影視組
攝：劉斌
化妝：Mi@Gingko Makeup
髮型：Earl@Salon Core by IL COLPO