傅嘉莉學策騎縱橫公仔箱

雖然傅嘉莉策騎時英姿颯爽，但其實熱到幾乎暈倒。

傅嘉莉（Kelly）早前拍攝劇集《張保仔》時首次策騎，日前她到位於西貢的騎術學校上堂。Kelly做足安全措施，戴上頭盔及手套，英姿颯爽。今次是Kelly第二次上堂，她在教練指導下學習企坐的動作。在30℃高溫下，Kelly不一會已滿頭大汗。由於馬背甚高，坐在上面的Kelly不禁膽怯起來，但很快她便回復鎮定繼續練習，然而最後她因感到不適而中止上堂。

體力消耗大

Kelly解釋﹕「可能因為天氣太熱同太曬，曬到我見暈，但休息咗一陣已經冇事。」她坦言策騎比想像中難，體力消耗很大，故老師叮囑她練習前要多吃東西，她笑言之後體重會直線上升：「呢個係幾大嘅挑戰，老師好嚴格，雖然有啲壓力，但係好事，可以學到基本同正統嘅訓練，希望對將來拍戲有幫助。」

未上堂前，傅嘉莉先與馬匹「溝通」增加感情。

傅嘉莉學策騎，方便與陳展鵬拍新劇。

Kelly之前欣賞馬術表演，表演者邊策騎邊做出多個高難度動作，令她嘆為觀止。她揚言：「我嘅目標係可以奔馳，再勁啲係可以做到跳欄嘅動作。」她自爆拍攝《張保仔》時不諳騎術，一度令導演十分擔心。Kelly說﹕「馬伕有教我點控制隻馬，例如行左、行右、停止之類。我都幾大膽，有日食完飯，趁拍攝空檔，我跟馬伕一齊練習騎術，行咗半個鐘，覺得好好玩。」

文：名人組