KB激動女神出手 周慧敏晒食相
樂隊LMF鼓手Kelvin Boy（KB）去年簽約黃柏高旗下做歌手，新歌近日在網上推出，KB為MV向圈中好友狂碌友情卡，連「女神」周慧敏都來撐場，令MV曝光不足20日點擊率已近17萬人次，相當厲害。
擅長拍整蠱真人騷的KB，在圈中人緣甚佳，今次新歌《我是肥仔》MV當然不失瘋狂搞笑味，出動多位藝人演出，包括「女神」周慧敏（Vivian），再加薛凱琪師妹蔡潔，還有鄭欣宜、鄧麗欣、劉浩龍、杜汶澤、蔡穎恩、曾國祥、樂隊太極、恭碩良等為KB盡顯食相。
數秒已搶鏡
當中Vivian便在北角港鐵出口食住「雞蛋仔」，雖然她出鏡僅僅數秒但已極之搶鏡。能夠邀請到殿堂級女神相助，KB形容心情相當激動：「佢嘅仗義幫忙，除咗多謝之外，唔知可以講乜好。」而蔡潔則扮演迷人Miss，在課室中搔首弄姿，搞到扮小學生的KB都無力抵抗。
欣宜交足戲
然而在MV中壓軸出場的欣宜，最抵死是她連同兩位舞蹈員，以歌曲《你瘦夠了嗎》MV造型來拍攝，鏡頭中欣宜在拍MV變了KB去「踩場」，欣宜即一手推開KB謂：「拍MV呀，行開啦，茄喱啡！」可謂交足戲。至於KB在MV造型多變，除着吊帶短褲扮細路，更頂着「大肚腩」周街跳舞，又赤裸身軀將重要部位玩打格，拍攝出浴鏡頭，為MV不惜出賣「肥仔色相」。
文：音樂組