Mr.台灣蛻變 激發靈感

樂隊Mr.五位成員經過了九個月在台灣的洗滌後，都表示有許多的得着。日前他們接受《東網》《娛樂onShow》訪問，向主持人陳振安透露新專輯有不少靈感都是來自他們的台灣之旅。成員Dash（譚健文）表示在台灣雖然沒有很多表演機會，但日子過得十分充實：「我哋喺台灣出咗一隻國語碟，Alan就喺嗰邊錄音。同埋我哋最重要係練國語，所以嗰九個月除咗宣傳同表演之外，最大得着係講到流利嘅國語。」

Dash識台妹練國語

成員Alan（布志綸）更爆料，在台灣期間，Dash為了快速學會國語，平時會積極認識不同的「女性友人」，Dash笑指：「體驗就係去結識朋友。（主要女性為主？）都係嘅，所以練國語就可以練得好啲！而且最開心係識到台灣歌手魏如萱，同佢有傾偈同埋去佢嘅演唱會。」除了覺得台灣女孩十分甜美之外，Dash表示台灣之旅最大的得着還是豐富了他們的音樂。

MJ作歌唱雙面人

成員MJ（譚傑明）補充道新歌《雙面人》的創作靈感其實來自自身的遭遇：「喺我哋嘅音樂旅程入面，身邊有啲朋友表面上就話好支持我哋，但原來背後就踩我哋踩得好犀利，仲叫其他人唔好搵我哋做嘢，先發現呢個世界真係有人會惡意去傷害你。」如果想知Mr.為何形容自己為「鏢靶樂隊」？他們在製作新專輯時又有甚麼趣事？請密切留意《娛樂onShow》。

髮型：Veron@Hair Corner

化妝：Wendy Lee@Wendy's Workshop

場地：HARD MUSIC

文：專案組