C Cup可宜火併長腿徐頴堃

為配合夏季開始，有線五位女主播可宜、徐頴堃（Erica）、李麗珊（Lisa）、郭志美（Kortnee）及區淑妍（Yo）日前穿上Bikini Top出海拍宣傳片，除在遊艇上表現歎世界感覺外，又玩吹氣大波波晒青春活力。

禾稈冚珍珠

五女平日甚少性感示人，原來身材各有優點。擁C Cup傲人上圍的可宜，因給予觀眾斯文形象而被讚禾稈冚珍珠。Erica身形最高擁長腿，Lisa及Yo則Sell纖瘦，但四女票選Kortnee身材最好，令她受寵若驚。她說：「唔係啦，可能我有肉地，件泳衣幫手啫，佢哋身材都好好！」問到平日斯文的Kortnee，難得以性感造型示人會否尷尬？她笑言：「初時有啲擔心，因為唔慣鏡頭前着三點式，但後來都鼓起勇氣豁出去！」

有線五位女主播日前坐遊艇出海拍宣傳片晒活力。

形象斯文的可宜，原來擁有驕人上圍。

至於可宜表示近一個月狂做運動Keep Fit，令身材更有睇頭：「食嘢忍口係最難，雖然磅數冇咩減，不過做運動成功令身形Firm啲，拍晒之後我哋即刻放縱慶功狂食！」

玩轉波嘔吐

眾女輪流在大型吹氣波波內被狂轉，場面搞笑。但因天氣太熱加上球內空氣焗促，令Erica不適嘔吐，她說：「被轉嘅感覺好似倉鼠咁，拍完後我抖唔到氣，感覺血上唔到腦，手腳硬晒，好彩今次冇暈低，但已經唔好意思麻煩到其他人。」

文：影視組