迪子做獨立歌手一腳踢
作為一個獨立唱作人，迪子最欣賞范曉萱、張懸及陳綺貞，她說：「佢哋一開頭都係簽咗公司再發展成為獨立歌手，我亦啱啱開始做獨立歌手，好多嘢要自己去計劃，連宣傳都要自己去搞，壓力大但係咁樣先好玩。我寫咗好多歌，係一啲敏感同冷門題材，有別於市場上嘅音樂，令聽眾有多一個選擇！」
她又分享自己創作的歌《回憶氣味》的靈感來源：「我表姐同我講佢好鍾意一個男仔，上對方屋企時偷偷哋拎咗個男仔一件衫走。我都試過拎走男朋友嘅嘢嚟思念對方，而且氣味真係一樣好得意嘅嘢，就算你同嗰個人分咗手，有一日突然喺街度聞到一陣熟悉嘅氣味，都會令你回想起好多過去。」