孫佳君演精神病人考演技
藝人孫佳君近年在電影中飾演不同角色，她表示較難忘的，是在新片中飾演精神分裂患者：「導演要我做一個連自己都察覺唔到自己有精神分裂嘅人，所以演出唔可以太外露，要內斂同有很多內心戲，事前亦做咗唔少資料搜集。」
其中一場跳樓戲令她相當難忘，她說：「嗰場戲要我喺二樓跳落街，前後拍咗五次，當時真係好緊張同好危險，落地嗰下仲整傷條頸，跳出去嗰刻真係有死亡感覺。」問現實中有否出現過精神分裂或情緒病？她坦言藝人是公眾人物，難免感到一舉一動被外界過分關注，她說：「因為傳媒會監察藝人一舉一動，有段時間覺得經常被監視，令自己過得好抑鬱，需要時間去做心理調節。」
場地：BLT Steak