陳嘉寶夠薑切乳防癌
「宅男女神」陳嘉寶（Anjaylia）為讓更多女士關注乳癌將推出慈善相集，對於女星安祖蓮娜祖莉因基因缺陷為防乳癌切除雙乳，Anjaylia坦言萬一發生自己身上，亦會做切除手術，並自爆因身邊太多人患乳癌，令她每年做兩次身體檢查！
陳嘉寶（Anjaylia）將於月中推出處女慈善相集，收益全數撥捐香港乳癌基金會，Anjaylia說：「當公司通知我有呢個計劃時，有一刻想唔做，但知道為慈善就一口答應，因為當時拍緊無綫劇集《殭》，擔心應付唔到。」
勤力做體檢
Anjaylia表示近年分別有親戚及朋友患上乳癌，令她提高「驗胸」警覺，問到是否很少做身體檢查？Anjaylia承認：「以前真係少，大咗就會搵醫生Body Check，久唔久會上網或睇書做吓簡單檢查。」提到女星安祖蓮娜祖莉將雙乳切去，Anjaylia說：「自己都好驚，見到安祖蓮娜祖莉、朋友同親戚受呢個病困擾。（安祖蓮娜祖莉切雙乳？）畀我都會，如果醫生話我好大危機需要，都會去做！」
夢想做作家
修讀新聞系的Anjaylia又透露小時候夢想做作家：「因為之前有寫Blog，曾經有兩、三個單位邀我出書，不過當時冇乜興趣，睇吓出年有冇機會，細個夢想做作家，希望出啲自己想寫嘅嘢了個心願。」
髮型：Zap Tang@Queen's Private i
服裝：5cm@i.t
形象：Charles Lam
文：音樂組
攝：張福宏