洪永城好色冇艷遇 樂極傷眼
洪永城（Tony）為無綫節目《過節》走訪印度拍攝當地每年一次的「色彩節」，印度人民會向陌生人淋五顏六色的水及粉末，以及與陌生人互相擁抱和錫面以示無分階級及貧富。不過Tony卻見識到外國女遊客在當地特別受歡迎：「我當然冇借機會抽水啦！反而我隻眼受傷添！」
主持旅遊節目經驗豐富的無綫藝人洪永城（Tony），早前在香港拍攝無綫劇《張保仔》被困十個月，今次到印度拍「色彩節」，可謂寓工作於娛樂，借機會放假休息之餘，還一圓十年前心願，可以成行這個旅程，見識當地風土人情。
Tony坦言：「簡直有一種釋放嘅感覺，好舒服，拍劇困咗十個月，終於可以出嚟抖吓氣，所以今次呢個trip我期待好耐！」Tony笑言此行未有艷遇，但就見識到當地因風俗而對外國女士特別熱情：「印度人民會向陌生人淋五顏六色的水及粉末，以及與陌生人互相擁抱和錫面，以示無分階級及貧富，可能當地好少見外國嚟嘅女士，當有外國女遊客到臨，佢哋特別興奮，仲會蜂擁而上去錫同抱啲外國女士，（你呢？）我當然冇借機會抽水啦！反而我隻眼受傷添！」
遭牛撞心口
Tony透露此行去印度Jaisalmer（齋沙默爾），與當地人及來自世界各地的遊客一齊共度盛大色彩節。「Holi Festival」色彩節是當地一個重大節日，每年大概在三月份，大家走在街上跟認識與不認識的人潑色彩繽紛的顏料、粉末，代表送上祝福，用色彩迎接歡樂。」雖然此行冇艷遇，但Tony卻因玩潑顏料粉末而弄傷右眼，翌日走在街頭又被牛撞向心口，情況相當驚險。
文：影視組