黃美棋開班授徒教做戲
「宅男女神」黃美棋（美棋BB）自小演出機會無數，能夠演戲，又識主持，口齒伶俐的她自爆打算「開班授徒」，將一身好本領傳授下一代，美棋BB更得戚地說：「我要用自己拍嘅戲做教材，同學生講『呢個就係我喇』！」
黃美棋一直活躍於螢光幕前，她由童星出身至今，原來不經不覺超過二十年，真的稱得上是娛樂圈的「前輩級」藝人，問到演藝事業以外還有甚麼事情很想嘗試？年紀輕輕的美棋BB原來早就打算「開班授徒」，傳授演藝經驗，她說：「有個諗法喺近來醞釀緊，就係開班教小朋友做戲。」
多元化冇咁悶
她認為現今的家長着重小朋友多元發展，美棋BB就想到不單做戲，主持、說話技巧都可以幫到小朋友：「呢啲都可以令佢哋口齒伶俐、轉數快啲，仲可以畀佢哋唔使成日補習、學琴、畫畫咁悶，我覺得佢哋可以有多啲活潑啲嘅活動。」
搵地方圓夢想
演出經驗豐富的美棋BB自問信心十足，笑言：「我會用我以前拍嘅片做教材，同佢哋講『呢個就係我喇』，畀學生知道我唔係得把口o架！」她還表示會親力親為完成夢想，不過，要計劃得更加完善才正式推出，雖然「開班授徒」仍處於初步階段，但她透露已經物色過地方，相信成事指日可待。
經常飾演斯文乖乖女的美棋BB表示，渴望在演出方面突破自己，問她想挑戰甚麼角色？她說最想嘗試做女警：「因為大家都覺得我唔似囉！其實我好有興趣拍啲打戲、動作片，我覺得會幾好玩。」
攝影：吳文聰
場地：Cafe 8
文：專案組