張建聲「音」招謝票喊自殺

藝人王宗堯（Greg）、張建聲（Justin）和林芊妤（Coffee）等前晚在尖沙咀出席電影《壹獄壹世界》慶功宴，慶祝票房已達600萬。Greg就透露星期四開始就會有2B版本上映，屆時會刪減大量粗口。問會剪走甚麼片段，Justin就笑謂若剪走打鬥場面就會剪走了9成戲份。至於會否剪走Greg的裸跑戲？Greg笑謂：「我唔知呀，BB仔出世打Pat Pat會唔會Cut？」眼見Greg包紮右膝，問所為何事？正拍新戲的他就坦言踢波時被踢傷，然後就找鄭欣宜介紹的醫師針灸，所以疼痛已經開始暫緩。

網友失戀求安慰

而Justin早前在社交網站中表示憑票尾可換真人對白「起身啦，龜頭魚」錄音，問他會否錄到啞？他就指反應太好：「我諗呢個係自殺行為，依家應該錄300幾個。」更笑指有不少網友求另類錄音，包括有人自稱失戀求安慰，相當搞笑。至於Coffee就笑指因阻止姑姐入場觀看而呃對方戲份少：「自己睇番都覺得尷尬，所以呃佢自己得一場一分鐘戲。佢問我點解仲成日去宣傳，我話我乖嘛！」

《壹獄壹世界》眾演員在尖沙咀出席慶功宴，黃光亮更玩到瞓地。	莊思敏坦言公司有變動，但相信工作量不受影響。	Coffee笑言因在戲中有大膽演出，所以不敢讓姑姐捧場。

莊思敏如常工作

另外，蕭定一旗下藝人莊思敏昨日在將軍澳電視城出席無新劇《潮流教主》拜神儀式時，提到有指蕭定一旗下藝人部會與周秀娜之經理人公司GME合併，而藝人會由後者管理，她表示：「公司係合併咗，但係我就冇不滿，依家過渡期，只係有啲唔清晰，之後會同老闆傾，相信工作量都唔會有影響。」

文：影視組