張致恒拖女擦海鮮鋪路結婚
藝人張致恒（Steven）去年被本報獨家踢爆與「珠寶小姐」莊端兒發展「姐弟戀」，近年兩人不時「行孖咇」晒恩愛。日前兩人就往擦海鮮慶祝拍拖一周年，再次被記者撞破的Steven無奈笑言：「有冇咁有緣？」
現年30歲的張致恒（Steven）當了「神的兒女」後，修心養性勤奮工作，接拍多套無綫劇集，並榮升「老闆」出個人服裝品牌。事業愈來愈好的Steven愛情亦相當得意，去年被本報「捕獲」拖莊端兒（Xenia）公園談心的他，口震震承認「姐弟戀」。隨住公開戀情，Steven與Xenia常孖住出席朋友聚會，又不時在個人網誌晒恩愛。
小鳥依人夠聽話
記者日前在鯉魚門發現Steven與女友撐枱腳擦海鮮，兩人落手落腳揀海鮮。期間Xenia更小鳥依人挨在男友背部，非常恩愛。當記者舉機，一臉愕然的Steven手指指說：「又係你，有冇咁有緣？」隨即應要求與女友合照，態度友善。問到是否慶祝520（我愛妳）大日子？Steven說：「我哋拍拖一周年，食個飯啫。」
搵錢買樓娶過門
對女友無微不至的Steven，承認視對方為結婚對象，又大讚女友冇得彈兼娶得過。而Xenia亦坦言Steven是理想結婚對象：「未來嘅嘢都唔知，不過大家肯定咗大家，有向結婚呢方面進發，依家主要努力工作搵錢買樓。（同居試婚？）冇呢個打算。」
文：音樂組