李亞男食錯嘢腸感染入院

無綫藝員王祖藍及老婆李亞男最近分隔兩地，祖藍忙於在內地拍新劇《哪吒》，獨自留港的亞男日前疑因食錯嘢，要入院留醫，昨日她在微博上載一張左手正吊鹽水的照片，並留言道：「第三天了！希望可以快點度過一個星期。」令網友大為擔心，紛紛留言問候。身在內地的祖藍亦留言說：「心痛、無奈、乾着急……願主與你同在，快點康復，我真的很想回來看你。」並配以喊樣，盡顯低落心情。

腸壁外穿氣泡

昨日祖藍接受本報訪問時談及亞男的病情，看來頗為嚴重：「前幾晚亞男有啲肚子痛，以為食咗唔乾淨嘅嘢，第二日約咗專科幫佢照腸，原來腸壁外有個氣泡，氣泡穿咗，有啲感染，醫生話要留醫三日打抗生素，防止感染，否則可能變腹膜炎或穿腸，如果情況穩定，幾日就可以出院。醫生話發現得早，正常情況好快會好，所有事情都喺一個下午發生，並最快速度跟進，已經好感恩。」

王祖藍在微博留言，隔空伴亞男渡難關。

李亞男上載住院左手吊鹽水的照片。

未能伴妻慚愧

不過祖藍因工作纏身未能返港陪妻子，令他非常慚愧：「過幾日會盡快返嚟睇佢，依家只可以每日以視頻溝通。」他多謝朋友關心及陪亞男消磨時間，又大讚亞男體諒冇詐型：「佢知道我忙，就話有人照顧佢，好體貼！相信佢最辛苦係悶同埋唔食得嘢，流質食物都唔得，等啲炎退晒先，可能幾日至一星期都係咁。」而身在醫院休養的亞男則回覆說：「都係小事，謝謝關心。」

亞男最近要拍新劇《潮流教主》，亦因病被迫停工，據知她要請假至下周，劇集監製方駿釗表示已收到亞男的請假通知，暫時對劇集進度未有大影響，希望她早日康復。至於亞男的好姊妹鍾嘉欣非常擔心，在微博留言說：「愛你姐妹，好好的身心休息，你會好好的好回來，支持你！」不在港的王君馨及宋熙年亦表示會慰問亞男。

文：影視組