周柏豪想學阿B咁生得

歌手周柏豪及盧凱彤昨日出席活動，剛從美國回來的柏豪表示在當地遇到驚險事：「我半夜時候聽到三下槍聲，之後有個女人嗌，隔五分鐘就有救護車，但我唔敢出去睇咩事。我喺嗰邊都有小心啲言行，唔敢太張揚！」而鍾鎮濤（阿B）的女兒鍾嘉晴特意前來支持偶像，柏豪就表示已見過她幾次，又透露與阿B因工作而認識，大讚對方靚仔：「我阿媽係佢fans！都想似佢keep得咁好！（學佢生四個？）可以我都想，不過遲先啦。」