驚聞「舅父」被襲 張建聲：望佢小心啲
吳志雄日前於內地登台遇襲，而在電影《壹獄壹世界》中飾演志雄哥姨甥的張建聲（Justin）驚聞「舅父」被襲，即刻嘩嘩聲：「邊個夠膽打大佬B（吳志雄暱稱）？咁我都相信佢喺內地登台有時難免去啲比較複雜嘅地方，會有危險性，但正如大佬B所講一切安好，可能係少少誤會，希望佢日後喺內地都小心啲，忍一時風平浪靜，退一步海闊天空！」
另方面，張建聲前日與王宗堯、徐錦江冒雨走勻旺角、銅鑼灣為新片謝票，由於兩場都全院滿座，場面十分熱鬧，現場更有不少女觀眾，令兩位主角大感驚喜，而謝票期間，有女粉絲更相當熱情，令他們難忘。王宗堯直言很感謝觀眾冒雨捧場，因不想阻礙下一場的觀眾，未能逐一應觀眾要求合照，稍後他會繼續出席謝票活動，感謝觀眾支持。
