張致恒升格師兄教簡淑兒戲

屬「拍劇新丁」的張致恒（Steven）與簡淑兒日前為無綫劇《波士早晨》於黃竹坑取景拍攝。Steven的拍劇經驗不多，但面對新人簡淑兒和林泳淘，即刻升呢做「大師兄」，Steven笑指兩女第一次拍劇十分緊張，不時見她們背稿，他說：「我咪叫佢哋放鬆啲囉，唔好太緊張，一緊張啲戲自然會變得好假。」提到在劇中與簡淑兒有「親熱」戲份，他說：「做人工呼吸算唔算？佢係我秘書，後來慢慢鍾意咗佢。」

儲錢等結婚

Steven早前被《東網》踢爆與莊端兒拍拖，他表示彼此感情穩定，又讚女友細心，不時煲湯又做司機送他上班，直認視對方為結婚對象，但目前想儲更多錢才考慮結婚。

簡淑兒與陳慧珊（左）有不少對手戲。

張致恒讚女友莊端兒細心，常煲湯給他飲。

至於首次拍劇就做第三女主角的簡淑兒，對演出既興奮又緊張，飾演女秘書的她與Steven及女主角陳慧珊開工短短幾日已感受到壓力，問她有沒有向劇中上司陳慧珊請教？她說：「未呀，唔敢呀，不過同佢傾過偈，佢好nice！」

猛食要減肥

提到Steven指她十分緊張，簡淑兒笑言：「我盡量唔緊張啦，我一得閒就睇劇本、記劇情嚟背對白，咁樣自然啲！」被問劇中有沒有挑戰性的場口？她說：「有一場潛水戲，要喺水底閉氣十幾廿秒，仲要張開眼，但我本身好怕水，所以要去學。」又謂在劇中不停食食食，是時候運動keep fit。

文：影視組