睇《東網》+《巨星》App發哥日日陪住你
5月18日，在這個巨星周潤發60大壽的特別日子，《東網巨星》推出特備節目《我愛發哥》，找來25位紅星包括容祖兒、謝安琪、蔡卓妍、鍾欣潼、佘詩曼、吳若希、陳嘉桓、周秀娜、周柏豪、薛凱琪、任賢齊等向發哥發問與致敬！緊接的個多月，逢星期一至五，我們的巨星周潤發更破天荒親自回應25位紅星的問題，答案更盡顯其風趣幽默！眾星在節目中更會向發哥致敬，細說發哥從影40年來的趣事、成就等軼事，絕對不容錯過！首5集已成為城中熱話，只要你有《東網巨星》App，睇實《東網》，緊接的四星期，可以講發哥日日陪住你！
第一集：謝安琪變鍾楚紅？
謝安琪勁愛發哥的電影《秋天的童話》，發哥即刻拉張繼聰落水：「你個張繼聰呢個麻甩佬，咪『船頭尺』囉！你咪鍾楚紅囉！你都好浪漫呀！」又讚謝安琪首《囍帖街》：「多謝你呀！唱隻《囍帖街》，你唱完之後條街冇咗喇！好彩你有唱咋！唔係真係死人喇！」
第二集：張敬軒搞到發哥「放毒蛇」
常跟發哥在髮型屋相遇的張敬軒，狂讚發哥有智慧夠博學，點知發哥失驚無神反出招，自爆被軒仔傷頭血漿造型嚇親：「嚇得我以為你畀人扑親個頭，你唱歌嘅做咩都搞成咁？」軒仔又指發哥成日笑騎騎，發哥就話：「我喺後面放毒蛇你唔知啫！開心係令身體好啲，五臟六腑都會騎騎騎咁笑，唔會有咁多病毒！」
第三集：教鍾嘉欣倒立回春
女神級花旦鍾嘉欣佩服發哥會將所有遺產捐給慈善機構，發哥笑說現在科學昌明，唔知自己「等到幾時」！當嘉欣問點解發哥六十歲都係咁靚仔，發哥話地心吸力令下巴下墜：「日日咁扯，我又唔識倒豎葱，如果我有個朋友識教我打番兩嘴玩倒豎葱，可能都會後生二、三十年，不過唔去喇！我驚我一整上去就腦充血！」
第四集：張繼聰係老花聰伯？
張繼聰問問題時是戴着眼鏡，由於鏡片反晒光，發哥瞇晒眼皺晒眉話：「你眼鏡做咩？花得咁淒涼？依家啲鏡片有防UV嘛，阿聰伯，你搞咩？」又不忘大讚張繼聰的爆肌朱古力身形：「你啲朱古力又唔溶，舊舊都咁實！我封你做偶像，有睇晒你啲戲，做你唔死算夠運！」
第五集：教岑麗香去街市「直情攞」
發哥一見到岑麗香，即刻「香香」前「香香」後咁叫，又話覺得香香似台山人，自己對台山妹特別有感情。香香問發哥去街市買餸有冇攞折頭，發哥話：「仲使咩攞折頭？直情攞啦！我係土霸嚟！」