嘉玲時裝夢講心唔講金

劉嘉玲與投資拍檔Tommy及Michael，以及葛民輝（阿葛）前晚一同出席時裝品牌活動，嘉玲與阿葛均以全黑型格look上陣，嘉玲更以黑色bra top配透視襯衣，若隱若現地展現美好身段，型爆之餘，同時增添一份高貴之性感美！

笑言要貸款度日

嘉玲表示非常滿意擔任品牌設計師的阿葛，大讚他為品牌設計的男女裝系列十分出色，問她可有參與設計過程及給予意見？她說：「我成日都同佢o地開會，學咗好多嘢，例如知道生產一季時裝嘅周期係九個月。佢哋係好年輕嘅團隊，都係後生嘅香港設計師，好有熱誠同埋創作靈感，好應該要支持香港嘅創作。」她又謂深信香港的時裝絕對可媲美韓國：「冇理由我哋香港時裝做唔過韓國，一定要加把勁，我哋都有好多海外買家。（你投資咗幾多位數字？）我依家要貸款度日，不過我做呢個品牌已經五、六年，有錢賺嘅，其實可以做自己鍾意、理想同夢想嘅嘢，就算賺錢係重要，但都唔一定要賺錢行先。」

嘉玲與Tommy（左）、Michael，以及阿葛一起祝酒。

阿葛幽默風趣，逗得嘉玲大笑。

愛阿葛風趣幽默

嘉玲續透露愛上了阿葛的風趣幽默，他的性格才能成為二人造就此團隊的「媒人」：「我鍾意佢嘅棟篤笑，係呢樣開始吸引我，同佢傾偈會覺得佢世界好闊好深，令我好着迷，好開心識到個咁有才華嘅人。o黎緊我會搵代言人同拍廣告，需要注入新面孔，我要退後啦。」而阿葛則衷心感謝嘉玲給予他與他的團隊很大自由度，又透露嘉玲在其中一個系列的服裝中，加入了紅唇和玫瑰花圖案等元素，讓系列變得更完美！

文：名人組