欣宜Big爆衫自嘲嚇走觀眾

歌手鄭欣宜昨日以開胸衫出席活動，期間不時見用手按住胸口，欣宜自爆在髮型屋逼爆衫（火羅）事說：「好驚，今朝喺髮型屋化妝，件衫突然爆開，當時有三個男髮型師喺房。（睇蝕咗？）咁又冇，我有戴Bra，同即刻撳住，佢哋應該望唔到，依家用扣針扣住。（上圍太勁？）唔係上圍，全身都逼爆，好彩未試過爆褲，如果唔係真係太陽出來了。」見她獻唱時就住就住，欣宜說：「唔夠膽咁大動作。（再爆就送大包？）我驚嚇走現場人士。」對於有指與攝影師男友分手，欣宜默認說：「朋友與朋友之間都經歷一啲Close啲同冇咁Close時候，我依家好開心。（厭你身形脹爆提分手？）都唔知你講乜，我所有朋友都見唔到我係肥妹，因為佢哋覺得我性格好正。」