上山詩鈉買鞋除超睇真啲

藝人上山詩鈉經常與索爆女兒Hilary母女檔出巡行街，不過前日下午五時許，上山孖住兩名女友人現身中環行街，女兒未見同行。
上山詩鈉（左）與友人邊行邊傾，雞啄唔斷。
上山詩鈉（左）與友人邊行邊傾，雞啄唔斷。

俗語有云三個女人一個墟，上山沿途與兩名女友人傾到雞啄唔斷，又嘻嘻哈哈笑不停，及後一行人步入該處名店穿梭，試鞋又試袋，期間上山揀鞋時更除下黑超，金睛火眼研究心頭好，最終逛了個多小時滿載而歸，上山更充當司機接載友人離開。

上山揀鞋時除下黑超研究一番。
  • 上山揀鞋時除下黑超研究一番。