模影模蹤:森下悠里富貴靠爸爸

有云成功須苦幹,但係家陣大家苦幹極都好難搵到舊錢買樓上車;上車嘅最佳方法除咗望中六合彩頭獎,相信就係要靠屋企喇!大家如果有咁嘅諗法千祈唔好睇低自己,因為外國好多人都係咁,日本水着妹森下悠里生活富貴都係靠阿爸咋!

兩強之一

日本水着界近年最紅最當打嘅巨乳系女優,一定非杉原杏璃莫屬。杏璃佢雖然年過三十,依然咁可愛迷人,22吋纖腰配上巨型G奶嘅火辣身材更可以話世間難求,然而如此美妙胴體又並唔係無人能及,森下悠里就係身材同人氣都拍得住杏璃嘅頂班水着妹喇。森下悠里今年30歲,比杏璃顯得更成熟,仲多添一分女人嘅妖艷韻味,兩者氣質可謂各走極端,亦係各有賣點。身材方面,兩者都屬於波霸級,上圍一樣有G奶,同樣又大又挺,肉感壓人!之但係,上圍激凸之餘,悠里條腰只得22吋咁幼,令其身材睇落充滿曲線美,稍稍彎腰就能夠擺出誘惑非常嘅S形姿勢,加上肉地結實彈手,呢副身材實在完美。

爸爸是誰?

森下悠里喺2003年擔任東京車展嘅車模,當時佢以一身野豹造型登場,加上身材激凸,成功引起在場人士以及藝能事務所注目,成功當上水着女優活躍至今。悠里除咗拍寫真,電影界對佢亦相當重用,其參與過嘅作品有《從今天開始Hit Man》、《人生奪回遊戲》等,而電視台好多深夜節目都樂意搵佢做嘉賓。早前,綜藝節目《倫敦Heart 特別3小時》就安排主持人田村淳到訪悠里屋企並住宿一晚,呢個時候大家除咗了解到悠里煮得一手美味與營養均衡嘅好菜,仲發現佢相當富貴,住嘅係高級公寓,屋企放滿名牌手袋同服裝,房入面嘅吊燈估計要成一百萬日圓,約六萬五蚊港紙!悠里表示生活富貴其實係靠爸爸支持。事後就有人對此表示疑問,因為悠里曾經做過俱樂部小姐,一般都稱年紀大嘅恩客為爸爸。悠里口中所指嘅會唔會係呢種爸爸呢?不過,後來又有人補充話佢嘅親生爸爸經營一間年賺十億日圓嘅大企業,資助佢嘅富貴生活根本濕濕碎,唔值得懷疑喎。

個人博客

森下悠里最鍾意就係將自拍嘅性感照上傳到博客騷身材,大家Click上去睇一定大把嘢睇,唔會失望。

網址:http://ameblo.jp/yuurimorishita/

森下悠里Profile

年齡:30歲

身高:5呎3吋

三圍:35G-22-35

撰文:賢