程瑤賀水晶婚 玩浮潛變反肚蟹
仁美清叙副主席程瑤（Donna）與老公朱仲賢（Billy）結婚十五載，兩人早前帶同囝囝Ernie和Oscar前往芭堤雅慶祝水晶婚紀念日，行程由Billy安排，Donna說：「搞咗個小型party，佢諗住畀驚喜我，不過細佬Oscar周不時透露少少，所以我都估到啲。」
Donna透露原本出海玩浮潛，落水後遇到意外：「嗰日book咗遊艇出海玩浮潛，但船長話有啲浪，為安全計最好用條繩將我哋串埋一齊，落水後啲浪實在太大，我哋四個全部反轉晒好似大閘蟹咁，我哋都忍唔住大笑，只好即刻上番水，好搞笑。」