王宗堯肉搏兩女裸嚟搞

王宗堯跟Ashina在床上大戰，露肉戲份交由王宗堯負責。

男星王宗堯在其主演的新片《壹獄壹世界》中搏到盡，與郭奕芯（Ashina）以及林芊妤（Coffee）埋身肉搏，畫面香艷火辣！王宗堯僅以肉色襪仔護身，與身穿性感bra top的Ashina上演床戲，他解釋代Ashina作性感演出的原因：「女仔方面因為有好多限制，同埋始終新人，好自然裸露動作就交畀我，好彩當時我都有隻襪仔笠住，唔係全裸。」認真Gentleman！

而Ashina與「光脫脫」的王宗堯床戰未見尷尬，更大讚：「佢好專業，加上大家有做安全措施，唔會好真係接觸到身體重要部分，所以過程都係開心。」而令她大呼辛苦的，反而是遭張建聲施暴的一場戲：「有一幕我畀張建聲推落地，膝頭哥撞落地板，係咁爬嚟爬去，返屋企後發現膝頭瘀咗。」

放大圖片	Ashina在戲中慘被張建聲強姦。	Coffee與王宗堯在廁格內上演火辣戲份。

Coffee入廁格又嚟料

另外，王宗堯更與Coffee在廁格上演「Gathering」，身為新聞事件女主角的Coffee坦言已釋懷：「都過咗一段時間，我已經完全拋低咗過去，因為我只係會記住開心嘅嘢，通常唔開心嘅嘢好快delete。場戲係套戲嘅一部分，拍出嚟成件事好合邏輯同埋好寫實。」談到與王宗堯合作，Coffee笑說：「佢好好，都有幫我入戲，所以都拍得好開心。」

文：影視組