Jocelyn送妹嫁 陪浴大解
名模Jocelyn與胞妹感情要好，昨日妹妹Melissa在家鄉夏威夷出嫁，Jocelyn專程飛返當地送嫁，婚前一天還與妹妹齊齊穿比堅尼浸浴，作婚前大解放。
女模Jocelyn與老公Anthony日前已啟程前往家鄉夏威夷，出席胞妹Melissa昨日（3日）在當地舉行的婚禮，Jocelyn與妹妹感情深厚，前日已抵達當地的Jocelyn，陪伴妹妹在婚前往浸浴紓壓，兩姊妹穿上比堅尼在浴池合照，Jocelyn還在網上開心留言：「好心急，等着看妹妹行禮。」
跟日本傳統
今次Jocelyn不但擔任伴娘，更充當wedding planner，她說：「我會幫妹妹化妝，我仲幫佢哋搵咗好靚嘅婚紗同西裝。因為我哋有日本血統，所以會跟日本傳統，摺一千隻紙鶴送畀佢哋，到時會掛喺婚禮會場，為佢哋送上祝福。」
送蜜月之旅
早於大半年前Jocelyn已開始籌備婚禮事宜：「上年聖誕，我同Anthony幫佢哋影結婚相，由我做形象指導，Anthony做攝影師。影嗰陣都有啲蝦碌情況，因為影嘅時候開始入夜，唔夠光，結果我哋要用手機嘅電筒嚟打光，好彩出嚟嘅效果好好！」她更為妹妹製作了網頁，簡介二人的愛情故事，她說：「佢哋可以一直更新網頁，將來有小朋友嘅話，可以放啲相上去。（有冇準備咩禮物？）因為佢哋想去中美洲嘅伯利茲（Belize）度蜜月，所以我同親友一齊夾錢，請佢哋去。」
服裝：anagram
文：名人組