前港姐葉翠翠偕鄭欣宜昨日到鑽石山出席台灣牛肉麵節活動，二人更即席試食牛肉麵兼拜師學拉麵，功架十足。即將於七月成為人妻的翠翠直言婚禮在wedding planner的幫手下籌備得非常順利，惟翠翠稍嫌老公太冇主見，笑言：「我叫佢到時早啲到，記住封人情。」又埋怨老公不懂浪漫。雖然翠翠大數老公，但如沐春風的她都冧爆謂：「冇所謂啦，最緊要對我好同照顧我屋企人。」
而在活動上密密食的欣宜就自認非常為食亦絕不揀飲揀食，不過遇上「難啃」之事亦有損心情：「有次我去三亞開工，做完嘢去食飯，我哋平時開工都無乜要求，但嗰次盤白飯係凍o架，我覺得好慘，白飯起碼都要熱啦，凍白飯好似好刻薄咁。」
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
