何佩瑜 盧頌之 吸羊氣谷桃花運
藝人何佩瑜（Jeana）和盧頌之早前相約剛榮升人妻的余曉彤出外郊遊，為沾對方新婚的旺氣，她們更特別揀選牧羊的農場，抱抱小羊，笑言順道吸取羊（陽）氣，希望雙管齊下增旺桃花運！而Jeana見到可愛的羊仔亦決定要戒羊肉。
何佩瑜（Jeana）、盧頌之（DaDa）和余曉彤（Hidy）難得相約到農場，心情大為興奮，她們看到農場裏滿是「羊咩咩」，即時變大細路，尤其對只有兩星期大的小羊仔，更忍不住爭相抱起牠來拍照，期間小羊緊張得突然「便便」，場面搞笑！
習慣單身生活
Jeana看到可愛的羊群，還決意要戒吃羊肉，她說：「其實我已經戒咗食牛年幾，見到啲羊咁得意，我決定今年要戒埋羊；原來羊都好有性，頭先隻羊媽媽見到我抱起隻羊仔，好緊張我哋抱走佢，係咁『咩』我哋。」回復單身多時的Jeana，問她是否dry爆？但她說：「其實都習慣咗一個人生活，仲好享受。」
Hidy唔急生B
反而名草有主、與男模趙勁皓拍拖的DaDa，笑言要抱羊沾羊（陽）氣，她笑說：「冇試過咁近見羊，估唔到佢哋好似人咁有成棚牙，唔同其他動物嘅牙，感覺新奇，希望抱佢哋多啲，沾多啲羊仔嘅羊（陽）氣，（同男友拉埋天窗會更多陽氣？）我想逗多幾年利是先！」
而Hidy首次看到羊便便，笑言無想過如此「壯觀」，她突然有感而發：「見到啲羊都係一群，如果單獨一隻好似好寂寞。（想生B？）相士話羊生肖唔利我同老公，過下二人世界先。」
攝影：吳文聰
場地：假日農場
文：名人組