周嘉莉狂食止痛藥入院照腦
六合彩女郎周嘉莉日前經家庭醫生轉介至公立醫院排期照腦，原因是她的慣性頭痛日趨嚴重，由最初日服兩粒止痛藥，至最近食足五粒都無效，她謂：「頭痛咗好多年o架喇，上星期就開始勁痛，食好多粒都止唔到，去睇家庭醫生，佢check到我脊椎內側彎咗10度，未知係咪因為咁影響到啲神經線所以成日頭痛，又話開啲止痛藥愈嚟愈勁，轉介咗我去醫院內科照一照。」不過嘉莉認為到公立醫院排期需時太久，打算自費到私家醫院照清楚。
ATV打氣騷收視1點
雖然自亞視拖糧發生後，嘉莉已因公司沒製作而「接近停工」，但六合彩的現場直播仍需繼續，嘉莉作為其中一位主持亦不敢輕言請病假，尤其在上星期五亞視舉行《萬眾同心撑亞視》的前一晚，嘉莉謂：「本身都想搵威仔（蔡國威）幫我頂，不過佢第二晚喺《萬》騷又做司儀又表演，幫我頂埋就太辛苦喇，我惟有頂硬上啦！」昨日是亞視招標截止日，嘉莉亦不忘大表支持，希望公司能夠盡快有新老闆和盡快出糧。
雖然最近亞視眾藝員都克守己任，與公司共渡難關，在上星期的《萬》騷上更本着「無錢收」的心情傾力演出，無奈事與願違，當晚的直播只錄得平均一點收視，顯然未如人意。
文：影視組