余文樂六字祝福
吳雨霏（Kary）宣布結婚，其舊愛余文樂透過公司大方送上「六字祝福」：「願她幸福快樂！」Kary的Cookies前隊友鄧麗欣（Stephy）、楊愛瑾（Miki）及區文詩（Angela）也當然高興，Stephy昨透過唱片公司表示：「一早知佢結婚，依家等佢返香港，會約佢食飯傾吓偈。」
Miki接受電話訪問時稱喜事應由主人家親自交代，問準備了甚麼賀禮？她笑說：「做佢姊妹時任勞任怨。」談到新年可向Kary逗利是，Miki謂：「大唔大封都冇所謂，佢第一次嘛，不過怕唔好意思。（下個到你？）唔心急，隨緣。」
Angela昨出席活動時則說：「超級開心，唔使再隱瞞，我未諗送咩畀佢，距離擺酒仲好長時間。最初知佢結婚仲第一時間喊咗，好感動，遲啲佢會有安排，相信我哋可以好舒服咁參加佢婚禮。」跟Kary感情較淡的傅穎則是眾女中首位在微博送祝福：「恭喜你們。」
而與Kary識於微時的周柏豪，就形容Kary結婚似自己親妹出嫁般興奮，亦很放心，並打算送歌作結婚禮物。