啟剛慳家 格價買箱仔

豪門新抱郭晶晶早前被《好報》拍得平買街邊檔廿蚊童裝,慳家本色亦影響了老公霍啟剛,日前啟剛於晚上約7時,獨自出現家具店,他在店內左轉右轉一輪,行到儲物收納用品專區揀收納用品,貴為富家公子的他卻精明消費者上身,細心逐一研究不同大小的紙盒及膠櫃價錢,格晒價後揀中價值$129.9一個的箱仔,一掃四個,埋單五百多元。之後他拿着戰利品,興奮地行去附近的停車場取車後離開,似是急趕回家食晚飯。