容祖兒乜都多 唔怕冇獎
曾九度奪「最受歡迎女歌星」的樂壇天后容祖兒，不介意自斷「獎」路，拒為獎項出席頒獎禮，並笑言自己乜都多，連接花球次數亦破紀錄！另韓籍男權寧一（K先生）的舊愛新歡鍾欣潼和前少女時代成員Jessica首度同場，雖未有狹路相逢卻互當透明，最後阿嬌大方表示認得對方，贏器量！
容祖兒、Twins、前少女時代成員Jessica、韓國歌手LYn等近50名藝人前晚齊集「人氣大獎2014」頒獎禮，祖兒獲「本地女歌手」及「人氣演唱會」獎項，一直有傳她將缺席年尾頒獎禮，她笑言是夜可以唱新歌才現身，其後重申：「其實我冇話唔去頒獎禮，有時間就會去。」暫時會出席「叱咤」，她又不介意缺席「勁歌」會令最受歡迎女歌星獎「斷纜」:「冇都冇法，唔可能永遠追求數字愈嚟愈大。（接花球數字都愈來愈多？）乜都多，都唔知乜事！」她再澄清唔恨嫁：「我今年先廿幾歲，仲專注喺工作上，但拍拖唔等於下一步就係結婚！」
聞Gillian撥頭髮
Twins一同受訪時，講到陳偉霆在內地頒獎禮上與舊愛Angelababy同場，身為女友的蔡卓妍（阿Sa）一臉淡定表示：「做呢行實會遇到，冇乜嘢啫，大家開心咪得。（你有冇遇到舊愛？）做呢行梗係有遇過。」再追問她可會有芥蒂時，鍾欣潼（阿嬌）欲替她解圍說：「大家大器（量）啲。」豈料引火自焚，將話題扯到自己身上，皆因其舊愛K先生的現任女友韓星Jessica同樣在場，阿嬌即說：「我真係唔知。（見到尷尬？）都見唔到。（認識佢？）見過一次，唔係好認得到。」然後便上台攞獎，她其後再返後台受訪，她說：「依家認得Jessica。（同你有關係後先認得？）係啩，唔知呀。」
到晚上十一時半，Jessica壓軸受訪，和阿嬌受訪時間相距整整一小時，故兩人未有在後台碰面。Jessica答完大會預設問題後，記者即問她是否知道Twins成員Gillian（阿嬌）時，Jessica未有回答，只是撥一撥頭髮，訪問結束即笑住表示多謝便離去。
文：音樂組