Alice B.大懵累事 被偷$5,000
「第四代Canon甜心」Alice B.返泰國探親，卻一波三折，不但飛機延誤六小時，更不幸是在機上懷疑被偷竊，損失五千港元。幸好所有證件齊全，於當地亦有親友接濟，才不至流落街頭。
英泰混血兒Alice B.趁聖誕前返泰國探望哥哥及親友，乘坐直航機由香港飛往泰國，她不但遇上航班誤點達六小時，最不幸是被竊，損失五千港元，令她既憤怒又無奈。
已要求索償
事緣Alice B.把手袋放在行李架上，懷疑匪徒趁她入睡時把銀包偷去，她說：「我到埗之後想換泰幣先發現畀人偷咗錢，佢淨係偷走晒啲大紙，大概五千蚊，其他證件全部喺度。（有冇報警？）我有同當地機場人員講，佢哋叫我打去航空公司，但我打去又冇人聽，搵唔到人幫手，最後都冇報警。」她說因航班延誤到早上六時才到達泰國，當時已身心俱疲，故選擇先行離開，再傳電郵到航空公司要求索償。
險流落街頭
雖然發生連串不幸事件，幸好哥哥專誠到機場接她，才令Alice B.安心下來，未至於流落街頭：「好彩佢嚟接我，如果唔係我冇晒錢喺身，都唔知點返屋企？不過哥哥由兩點等到我六點幾，真係唔好意思！」她坦言心情因此大受影響，但難得返回泰國探親，決定暫時忘掉所有不快，好好享受與家人在一起的快樂時光。
文：名人組