黃榕被飛 揭魏焌皓o趙完鬆

32歲的黃榕早前公開慘遭負心漢甩掉，據知其口中的負心漢其實是無綫奀星、曾在劇集《on call 36小時》中扮演馬國明弟弟的魏焌皓。據知，「黃魏」兩人於去年底一次聚會中，經好友許嘉浩（Karl）介紹認識，並一撻即着展開「姊弟戀」！

熱戀期好癡纏

據爆料者稱，「黃魏」熱戀時男方不時充當「柴可夫」管接管送、黃榕又不時出入他在觀塘的寓所，愛得癡纏，但約莫一個多月前，男方突然「人間蒸發」失蹤，黃榕用盡方法仍未能聯絡得上，令這段「姊弟戀」無疾而終。

魏焌皓（右）曾與馬國明合作拍劇。

黃榕被內地歌手劉漢兆力追。

現年25歲的魏焌皓其實異性緣甚廣，在其社交網站不難發現經常「騷肌」和與無綫「姐仔」如黃心穎、鍾嘉欣和朱千雪等合照。而黃榕的社交網站在2、3月期間，曾上載過兩張「無臉照」，一張手拖大隻仔、一張從後擁抱，並揚言男方「不能露面」。不過黃榕朋友的社交網站卻上載過二人「孖住蒲」的合照，令戀情露了端倪。

內地歌手力追

雖然黃榕感情受創，她卻不愁寂寞，一直被內地歌手劉漢兆力追。男方不時盡地主之誼帶她到內地四圍去，上月黃榕失戀，他更親自飛來香港加以安慰。

記者致電黃榕問到是否曾與魏焌皓拍拖？她語塞數秒並說：「唔想再講邊個，其實之前係唔開心，依家過咗去就算。（分手原因？）搵唔到個人，失蹤人口咁，經過今次會帶眼識人。（認識魏焌皓？）朋友囉，好耐冇聯絡。」對於獲劉漢兆力追的傳聞，她說：「好耐之前內地登台認識。（追你？）大家都傾得埋，咁都感覺到對我有好感，不過未到好深入嘅關係，佢都冇表白。（有發展空間？）都有嘅。」

文：影視組