袁詠儀吳綺莉同類人

前港姐袁詠儀（靚靚）昨日接受前亞姐吳綺莉主持的電台訪問，兩人齊穿上灰色衫襯到絕，靚靚稱認識吳綺莉逾廿多年：「選咗港姐同亞姐後，係唯一一屆可以一齊影雜誌封面，當日見到佢第一印象好冷漠，但開口原來係同一類人。」吳綺莉指：「以前港姐唔係好睇得起亞姐，好多人都覺得佢寸，識落咗其實佢幾好。」靚靚戲言可將兒子交給吳綺莉的女兒照顧，吳綺莉亦同意小朋友可一齊成長。