張崇德囡囡出騷瞓唔着

歌手張崇德與劉美娟、主持人區永權的子女昨日為時裝品牌童裝行騷，張崇德透露一對子女首度行騷，囡囡更因此徹夜難眠：「原本只叫大仔行，點知細女又話想行，我之前冇特別教佢哋點行，想佢哋表現童真一面，囡囡比較緊張，前一晚都瞓唔着。」他大讚子女遺傳其天分，模仿能力強又熱愛音樂，但稍缺乏面對群眾的經驗。問到會否支持小朋友當歌手，他認為太長遠未多想。