軒仔掃慶關淑怡 向哥哥致敬

前晚張敬軒在紅館展開一連三晚《LIVE IN PASSION HINS張敬軒演唱會》，他以懷舊風貫穿整晚個唱，並請來契媽關淑怡（Shirley）、王菀之和譚玉瑛任嘉賓，而楊受成夫婦、薛凱琪、林欣彤、鄧萃雯、彭家麗等藝人捧場。

摸pat又掃胸

當軒仔與Shirley合唱一曲《偷情》向哥哥致敬時，他即變「狂野軒」，兩人舞姿相當大膽，穿背心高衩舞衣的Shirley幾乎被軒仔上上下下摸勻全身，期間軒仔跪下抱着Shirley下半身，又從她胯下伸手摸她pat pat，更從她下身一直摸上胸部，令全場氣溫高漲。

張國榮（資料圖片）

軒仔跪下抱着Shirley，從她胯下伸手摸pat，意識大膽。

被嘲大陸仔

而軒仔全晚狂飆高音，大晒勁爆歌喉，他又感懷身世憶起初來香港時，第一個租住的單位正正望着紅館，他說：「每日望住紅館個天花頂，都會諗我有冇機會喺度開演唱會呢？喺社交網站有人叫我『大陸仔』，我唔抗拒呢個稱呼，只會令我更加畀心機做好。」

軒仔前晚開騷，大晒勁爆歌喉。	薛凱琪上台咀軒仔自拍。	王菀之
楊受成夫婦特到紅館捧軒仔場。

完騷後，軒仔受訪時談及跟Shirley的辣身舞辣慶全場，他說：「Shirley係呢part最適合嘅人選，佢畀人嘅感覺係女王、我行我素，所以合唱《偷情》呢首歌向哥哥張國榮致敬，今晚好多動作係即興加上去。」他又預告三晚舞步均不同，會愈來愈激！

文：音樂組