阿滕冒雨孭上山 147磅維維愛上她！

滕麗名、梁烈維、蕭正楠及薛家燕日前為無綫搞笑賀歲劇《倩女失魂》拍外景，當日劇情講維維於荒山野嶺暈倒，要劇中老婆阿滕淋住雨孭他上山，本來工作人員預備了假人給阿滕孭上身，不過出來效果不夠神似，結果115磅的阿滕只好硬着頭皮孭147磅的維維上山。

阿滕孭維維行的一段梯級很跣，維維說阿滕事前給他很大信心：「阿滕話唔使驚，要信佢，要仆佢會向前仆，唔會向後跌，所以我好放膽，成個人放鬆晒，拍完我直頭鍾意咗佢。」維維又指這場戲阿滕要邊喊邊孭着他，他指聽到對白，句句也令他動容。

梁烈維信得過阿滕，在阿滕背上完全放鬆。	薛家燕昨與麥長青拍《倩》劇廠景。	蕭正楠（左起）、滕麗名及薛家燕日前到野外拍攝。

家燕唔咀蕭正楠

拍畢孭維維的戲，阿滕謂：「維維都好驚，我只可以保證我會向前仆，如果向後仆，佢尾龍骨一定傷，我孭佢嗰陣做足準備，拍咗咁多年戲，喺啲武指身上都學到唔少嘢，之前拍《新抱喜相逢》都孭過麥長青。」維維則讚阿滕厲害、夠堅，阿滕就沒好氣笑言：「我都唔想堅，但嗰陣就快天黑，我唔想拍唔晒，當還債啦！」

另外，薛家燕昨與麥長青拍《倩》劇廠景，家燕指公司很錫她，讓她有足夠時間休息，但因常於荒山野嶺拍攝，都會被蚊叮，說到之前曾表示會自薦與蕭正楠拍咀戲，家燕姐笑謂：「冇人接納，連我自己都唔接納。」

文：影視組