李旻芳慳家婚照冧爆孭老公

李旻芳反過來孭起黃耀英，愛的表現。

咬鼻咀嘴放閃

眼見太座如此慳家，「廿四孝老公」黃耀英當然乖乖接旨，拍攝時與老婆交足戲，既有調皮扮咬太太鼻，亦有情深依偎，當然唔少得冧爆咀嘴，影得興起的李旻芳更「反串」孭住黃耀英，非常有趣。

李旻芳接受本報訪問時，直言起初沒想過拍攝婚紗照：「我淨係想簡簡單單留到結婚當日先執Snapshot，不過每次同身邊朋友講，佢哋都話一定要影，話影咗到時唔鍾意先算，唔影就驚會後悔，最後說服咗自己。」

放棄花巧布置

她指不喜歡公式化婚紗照，認為取景地點及拍得靚並非重點，反而能夠捕捉內心交流最重要：「所以我哋冇乜花巧，每人都係得一套衫，喺香港租個全白色嘅場地，乜都冇，簡簡單單，但影嘅過程好開心，所有嘢都比預期中好，連花藝師整嘅所有裝飾擺設都好啱心水！攝影師又完全捕捉到我哋嘅交流，效果好唯美，好滿意。」

有老公錫錫，冧晒！	黃耀英愛得肉緊，咬番啖先！	李旻芳大讚攝影師完全捕捉到兩人的交流。