王卓淇入行身體變好

藝員吳啟華、應屆港姐冠軍邵珮詩及亞軍王卓淇昨日出席TVB節目《守護生命的故事2》記者會，兩位港姐自爆有偏食的問題，珮詩最怕苦瓜，卓淇則笑說：「我唔食青椒，依家改緊。（入行後身體變差？）反而好咗！呢排不停跳中國舞備戰世界小姐，運動量大咗！」珮詩表示最近主要參與慈善活動，稍後會主持節目《安樂蝸》。

吳啟華表示經常勸家人多做運動，但感慨地說：「其實個女喺內地都食得幾唔健康。（帶囡囡來港住？）希望，但唔係我話事。（想佢接受香港教育？）想！佢仲有一年升小學，希望說服到屋企人！」而他有份演出的《再戰明天》過去一周收視平均達24點，但因內容涉及暴力、血腥和跳樓場面，通訊事務管理局共收到33宗投訴。