黃宗澤認做肌男：畀大家欣賞

今期《好報》獨家披露靚仔小生黃宗澤（Bosco，圖）密密操肌望「升呢」做「肌界男神」！恢復單身的Bosco放下照顧女友的包袱，為完成新一輯食品廣告工作，以「禁慾操肌」練得一身吸睛身材，更成功開拓新市場。Bosco昨日受訪，笑言對「肌界男神」的銜頭感壓力：「因為之後唔可以再偷懶，之前一星期練足七日，依家都要keep番三日，仲要食得清淡。（抗拒騷肌？）拎得出嚟就要畀大家欣賞，加上係一件健康嘅事，所以唔會抗拒。」Bosco更透露新一輯廣告中雖然未有露點，但仍把握機會騷出「人魚線」照顧各位粉絲，相當貼心！