陳美齡抗癌五年 乳過天青
長居日本的息影女星陳美齡（Agnes）接受《好報》專訪，憶述2007年證實患上乳腺癌後，割除右胸腫瘤展開五年艱苦治療的心路歷程，適逢下月為「國際乳癌關注月」，Agnes希望以個人經歷呼籲社會關注乳癌。Agnes難忘當初不斷問「點解係我？」，直到有次她見到丈夫（金子力）為她大感慌張，她才醒覺到自己不要慌，就可以大事變小事。
問Agnes有否擔心過身材會因為乳癌而大變？她說：「冇去諗，當時細仔仲讀緊小學，我最擔心睇唔到啲仔大。就算手術後，都只係自己睇唔慣。」她透露有自我激勵方法：「為咗鼓勵自己，我買咗5隻手鈪，戴晒上手，每過一年就除一隻，到咗第5年，我除低最後一隻手鈪，成家人去咗夏威夷慶祝，我將5隻手鈪拋晒落海，正式同病魔講拜拜！（對癌症患者有咩寄語？）病友應該識多啲病友，互相鼓勵，捱過呢段日子。」