張繼聰攞獎平常心 怕愈諗愈緊張

無綫劇集《四個女仔三個BAR》演員張繼聰、黃智賢、劉佩玥、何雁詩與陳瀅等前晚到尖沙咀出席煞科宴，提到張繼聰有份演出的劇集《老表，你好hea！》成為台慶劇，問他可有信心攞獎？他說：「自己係新人唔會特別去諗攞獎，愈諗只會愈緊張，如果有提名已經好開心。情意結希望郭晉安再攞視帝，黎耀祥《載得有情人》亦好睇，兩個都係公認好戲之人，有個目標可以去追。」
張繼聰（右）與黃智賢一齊側頸Chok樣，表情趣怪。
張繼聰（右）與黃智賢一齊側頸Chok樣，表情趣怪。

劇中飾演好姊妹的劉佩玥與何雁詩演戲經驗不多，劉佩玥特別感謝姚子羚指導：「同子羚戲份好多，多謝佢教我生動咁記對白，又教我做喊戲。」「巨聲幫」何雁詩等了五年將於下年推出處女大碟，問會否競逐今年的樂壇新人獎？她笑說：「我唔知仲係咪新人，唔清楚頒獎禮制度，如果有機會參加已經好開心。」

劉佩玥（左起）、陳瀅及何雁詩因拍劇成為好友。
  • 劉佩玥（左起）、陳瀅及何雁詩因拍劇成為好友。