Kelly拒行房：造咁多人做咩？
歌手陳慧琳（Kelly）昨日出席活動時，自爆老公Alex飲醉後愛唱歌扮林子祥、譚詠麟，令她不勝其煩。對於有指Alex夜歸只因不想跟她「造人」，她反應極大說：「我都唔想！咁忙，造咁多人做咩啫？」
影星張家輝、張學友、曾志偉、胡楓及陳慧琳（Kelly）昨日出席高錕慈善基金成立四周年慶典，呼籲大眾關心腦退化症，席上眾星放笑彈，家輝表示擔心60歲後會冇記性，志偉即搶咪說：「你過到先講啦！」家輝則還擊指志偉應多作檢查，因他經常「講嘢唔算數」，學友亦笑指志偉對今日的題目「感同身受」。不過志偉拍照後匆匆離場，未有受訪。
日前度過42歲生日的Kelly，受訪時稱收到兩子及老公Alex的濕吻做禮物，提到Alex被拍到半夜在街頭醉住吹水，Kelly踢爆對方酒後非常長氣及愛唱歌：「佢鍾意扮林子祥、譚詠麟，我寧願佢玩夜啲，我唔使聽。」有指老公夜歸是避開與她「造人」，Kelly瞪大眼說：「我都唔想造人呀！咁忙，造咁多人做咩啫！」
學友家輝研究族譜
家輝受訪時，笑稱與學友是「異父異母的親兄弟」，學友笑說：「我見到有個人咁似我，我都有懷疑，我哋都有研究族譜，可能係好多百年前有關係，隔好多代再撞番！」提到腦退化症，家輝自嘲開始有病徵，經常忘記事情：「好多嘢交晒畀同事記，少用咗！」反而同場82歲的胡楓非常精靈。
提到葉玉卿的15歲女兒有拖拍，學友的女兒亦已14歲，他說：「囡囡就話未拍拖。（接受到囡囡幾多歲拍拖？）唔到我接唔接受，我只可以從旁指導！（卿卿要求個女拍拖要開門！）開門？開門見山已經好好啦！」對於周星馳再被批評人品，多年前與星爺曾合作的學友表示無留意新聞，但當年不覺對方難相處。
文：影視組