李蘊拒談舊情

藝人李蘊（Renee）、楊思琦及陳嘉寶等昨日於觀塘出席電台活動，剛踏入23歲的Renee表示將在電台的劇集中飾演𡃁模，被指「做番自己」的她說：「我唔係𡃁模！我係𡃁妹歌手出道㗎！」她又指劇中有魔術劇情，不禁令人回想起她的舊愛台灣魔術師劉謙，被指熟悉魔術的她，反應超大說：「一啲都唔熟！（令你有回憶？）咁我23年嚟都有好多回憶，唔會特別記得呢啲。（不堪回首？）唔想講，唔想勾起以前嘅嘢！」當提到現任男友，Renee則甜絲絲謂：「佢對我好好，佢屋企人都對我好好！（生日送蛋糕感動到喊？）感動就會喊。（求婚？）冇，我仲細，可以慢慢嚟。」同場的思琦表示將在有線電視主持節目，以女性角度探討感情事，但拒透露會否分享個人經歷。