電影節一浪接浪，所有女星都為自己盛裝打扮，秒殺不少菲林！早前《第23屆MTV電影頒獎禮》和《第4屆北京國際電影節》出席的都是紅星，分別有Jessica Alba、Rihanna、Rita Ora、章子怡、范冰冰等。而時裝作家Janice Wong就最欣賞Rihanna的睡袍造型，大讚夠晒潮流感，性感得來又型格。
「好靚，裏面着咗傳統緊身胸衣，外面加件透視晨褸，散發誘人魅力。睡袍look喺呢一、兩年流行，配合埋凌亂美髮型，成個造型好有潮流感。」
「出席頒獎禮套衫未免太casual、普通咗，而且冇任何accessories配搭，似平時出街造型。而且佢比之前略為肥胖咗，顯得好珠圓肉潤，冇骨感美。」
「着得幾靚，而且顏色好型格，襯咗依家流行嘅booties，呢對露趾可以叫做ankle sandals，係流行潮物，加上露出小蠻腰，好有青春活力感。」
「公主、玉女型，受韓國『千頌伊』影響，呢種類型受大部分人喜歡。雖然造型沉悶咗啲，但好襯佢，簡潔得嚟大方得體，唔會失手。」
「好有女王feel，冰冰每次示人都花好多時間打扮，要艷壓全場。條裙好靚好隆重，好適合行紅地氈，不過個尾太長，改短少少會靚好多。」
「流蘇」元素常見於春夏時裝中，設計師通常於肩膊、手袖，甚至裙襬加入其元素，讓穿衣者在走動時，能帶出動感、飄逸的效果。而最近「黎明愛將」文詠珊和「恒生新抱」何倍倩不約而同穿了流蘇元素的服裝，既時尚又有視覺感。
王麗儀（Janice Wong），一位時裝作家，是16年前華語媒體中首位遠赴歐美時裝周報道的時裝編輯。她經常為香港及海外的時裝設計比賽擔任評判，連美國CNN旗下亞洲生活時尚網站及香港Yahoo也分別讚譽她為「香港首位真正的時裝權威」及「時裝文化人」。