陳婉婷拍住前輩喊腫眼

藉「TVB周刊Cover Girl 2011」選舉入行的陳婉婷（Hebe）畢業於第二十五期無綫藝員訓練班後，一直有機會參演不少大熱劇集如《巨輪》及《On Call 36小時Ⅱ》等。Hebe於新劇《新抱喜相逢》中將與薛家燕、麥長青及滕麗名等飾演一家人：「拍之前好大壓力，因為佢哋係好勁嘅前輩。不過佢哋超nice，好似家燕姐同安德尊晚晚都請我哋食鮑魚、燕窩做消夜，似足一家人咁warm！」
性格開朗的陳婉婷樂意飾演醜角，認為最大挑戰是拍喊戲。
性格開朗的陳婉婷樂意飾演醜角，認為最大挑戰是拍喊戲。

樣子甜美的她更稱唔介意做醜角：「我會喺另一套新劇扮四眼箍牙妹，做醜角係好新鮮的嘗試！（入行至今遇過甚麼困難？）拍喊戲係個挑戰！我本身好鍾意逗人開心，但有次同呂珊姐合作，場場戲都要喊，喊到我眼都腫埋！」而視佘詩曼為偶像的Hebe大讚對方又靚又演技好，希望可以向她好好學習。

陳婉婷不時為拍劇扮學生。
  • 陳婉婷不時為拍劇扮學生。
陳婉婷大讚前輩家燕姐好nice，似足一家人。
  • 陳婉婷大讚前輩家燕姐好nice，似足一家人。