林超賢獲厚待飛車交流

林超賢（中）與同樣出席電影節交流的杜汶澤和田蕊妮夫婦相聚。

據悉，大會一直對林導的作品欣賞非常，今年更特意為他增設個人作品欣賞環節，剛巧林導要到當地為另一英皇新片《破風》睇景，因利乘便抽出數天時間出席影展作交流，大會安排烏甸尼斯市長及電影節主席Sabrina與林導會面，可見對他重視非常。

田蕊妮被讚靚

林導昨接受長途電話訪問謂：「雖然時間匆忙咗啲，不過係一次好好嘅交流機會。我仲跟咗意大利一支一級職業電單車隊近距離睇咗兩場170公里嘅專業比賽，一開世界賽眼界，真係好緊張刺激。」

吳彥祖（左）和張家輝主演的《魔警》票房理想。

林超賢獲安排與烏甸尼斯市長（左一）及電影節主席Sabrina（左二）會面。

至於杜汶澤則帶同太太田蕊妮同行，借機與林導敍舊之餘，前晚出席影展開幕禮後，更專程捧老友彭浩翔新作《香港仔》場。他笑謂：「《香》片反應好好，啲外國觀眾大讚，又拍足3分鐘手掌，身為港產片一分子，我都感到自豪。啲外國影迷仲讚我老婆好靚，相當有眼光。」阿澤偷得浮生半日閒，與阿田四出覓食，對當地雪糕甜品更一試難忘。

文：影視祖