超盈撐猷君失戀硬淨

賭王何鴻燊四太梁安琪昨日穿上綠色外套襯紅色格仔短褲出席仁愛堂董事局交代就職典禮,一身打扮充滿春夏氣息。問到她剛榮升保良局董事會主席,工作會否更繁忙?她說:「大家都係為慈善,幫助有需要人士,為社會服務。」當問到復活節可有計劃到外地玩?四太直言不談私事,要尊重場合。同場有傳與主播太太劉明軒婚變的王傲山,但未有接受訪問。

而四太千金何超盈昨晚現身另一活動,談到母親榮升保良局主席,她透露已夾份買雕塑做賀禮。而母親就職當日,胞弟猷君剛返美國未能到場,問到早前失戀的猷君心情如何?她坦言:「佢第一次拍拖,呢啲要慢慢過。(同佢分享戀愛經驗?)我冇乜經驗,佢ok好硬淨,而且係和平分手,大家仲係朋友。(介紹女仔畀佢識?)佢大把,唔需要我介紹。」活動後,超盈與友人逛商場。