杏兒晒背奪獎 張智霖上京做視帝

昨晚由土豆網與深圳衞視聯合舉辦的《青春的選擇2013年度盛典》在北京奧體中心舉行，吸引大批名人明星到場，包括張智霖（Chilam）、胡杏兒、吳奇隆、周筆暢及翁虹等，韓國天團Big Bang隊長G-Dragon更首次為中國電視台表演勁歌熱舞，令全場起哄！

Chilam與杏兒憑《衝上雲霄Ⅱ》獲頒「最受歡迎港台男、女演員」獎，《衝》劇更奪得「最受歡迎影視作品」，兩人均表示很開心，杏兒謂：「當然好開心，尤其係今次呢個獎係年輕觀眾投票，由粉絲頒獎畀我，特別有意義。」問會否期望與Chilam再奪無綫視帝、視后，她稱平常心面對。

與靚靚輸賭

奪「青年導師獎」的吳奇隆早前公開與《步步驚心》拍檔劉詩詩拍拖，他笑指女友可愛之餘不失「硬漢子」感覺。他又稱明年想去旅行，即被主持取笑是否旅行結婚，他聞言低頭傻笑。

此外，Chilam與靚靚前晚出席時裝活動，對於被指是視帝大熱，Chilam笑言有跟靚靚輸賭：「佢話我攞唔到，我攞到佢就請我食三個月飯，否則我就送隻手鐲畀佢，騙徒手法層出不窮，佢睇中隻手鐲六位數，我三個月點食六位數字嘅飯呢？」對於老友沈嘉偉的公司股票股價下跌，Chilam力撐說：「我冇持有，但佢係實業家，唔係泡沫，可能幾年後股價又回升。」

文：影視組